Di vê xewnê da ezê çûme Kurdistana nuh, bikir,
Her çar qulban vêketine şemdanên bext û agir…
Di vê xewnê da Kurdistanê ne mij heye, ne dûman,
Di vê xewnê da çawa mizgîn birq vedidin erd-ezman.
Di vê xewnêda eşq, mizgîn e… Kurdistan wê aza bûye,
Ber çevê min ezman tijî refê quling, qazan bûye,
Roja kibîr bi eşq û şa Kurdistanê dişxule
Û dora wê keskesor e, hezar awaz û gul e…
……………………………………..
Keça bedew tu wek gılyaz
Bı gerden û bazınê gaz
Çıma jı mınre dıke naz
Ey nazdara dıldızok
Ahmet PEKDEMİR
Li dûye li dûye
Yara delal li dûye
Kerbûye lalbûye
Korbûye nedîye
Ketim newalekî mezin
Mirovan dîtim têdeye
Dîtim gundîno têdeye
Li dûye li dûye
Yara delal li dûye
Kerbûye lalbuye
Korbûye nedîye
Kejî li halêwan pirsî
Got xort ji yarê dibezin
Xort jı ber yarê dibezin
Li dûye li dûye
Yara delal li dûye
Yara kurban li dûye
Weke biyaniyan te bardikir
di rêyên dil de
Anfalên xewnan koçdikirin
û kêlîk bi kêlîk
balafirgeha dilbijok
bi awirên me yên tirsok
û gavên me yên dudilî
dihate dagirtin
Piyalên salan di çavên te de
vala dibûn
da di dilê min de tijî bibin
çi reng ji wê şevê re hebû?
Min pacên xwe ji êşê re li piştê
vedikirin
te jî deriyên derdan
û kêlîk bi kêlîk
sînorên xurbetê birçî dibûn
ji bendewariyê
çi tam ji wê perîşaniyê re hebû?
Zarotiya min ji nav tiliyên te
diweşiya
û pevçûnên rojan
di sîngên me de goristanên bîranînan
radizan
û di çavên me de
Nesrîn...
Qamet bi gerdene dixemlî
Gustîl xist ye her çar tilî
Bi hina sor xweş kir gulî
Qamet qameta nebîye
Dil bi qametê geş büye
Wec bi berûkê girtîye
Dil bi dila hewce maye
Qamet qameta dilaye
Hagirê dilû gulaye
Şênahîya nav malaye
Bête lime tim xelaye
Qamet qameta daraye
Li cem gavan û şivana
Bêyvêwî wek dilovana
Tu di bê qey bêrîvana
Qamet qameta peyyaye
Tu bi xewn û xeyal li pêştê
Kejî b qurbana qametê
Ji heş davê tabe û şertê
Qamet qameta wedaye
Îro ji dest husna hebîb sergeste û heyran im ez
Min eşq û muhbet bûn nesîb sewadê sergerdan imlez
Eşqê gelek sewda kirin bê mal û bê mewda kirin
Nûra çira winda kirin Mûsayê Imran im ez
Mûsa ji dest husna bi nûr şêrîniya xalên di hûr
Secde bire ber Kohê Tûr nêzîkî remzê wan im ez
Remzê ku dê dilber bikin carek bi çeşman seyr bikin
Dê kohê Qaf ker ker bikin mecrûhê pir-kovanim ez
Min ah ji dest kovan û qehran min sebr nayêt li sehran
Şubhetê mewcên di behran qulzemê umman im ez
Qulzem û behrên di heftê agirê eşqê ku keftê
Dê bisojit subhe neftê min diye, pê zanim ez
Min diye muhbet çi reng e sohtim edoja pir-ye'ke
Min mudam dil jê biheng e bi nalîn û efxan im ez
Nalîna teyr û tuyûran kalîna çeng û bilûran
Xulxulên di qesr û qusûran bulbulê xoşxan im ez
Bulbulim daîm dixwînim ez yeqîn ez te bibînim
Dîn dibim sewda dimînim serxoş û sukran im ez
Serxoş û ebter kirim te ji illeta rengzer kirim
Te sotim û ker ker kirim tu agir î buryan im ez
Agir û pêta di dil da me'neyan daxan ku hilda
Ew kitab naçit du cilda hafizê medhan im ez
Hafizê medh û pesendan rohiya mehbûb û rindan
Bê hisab werbûn di findan satiyê bêcan im ez
Soti me qet pêt û nar ne kuştîme derb lê diyar ne
Min demek sebr û qerar ne nexweşê pir-jan im ez
Nexweşê reng lê nemayî dest li ser falê nihayî
Wan digot ji çavê giyayî kûştiyê e'ynan im ez
Kuştime herdu 'uyûnan yan kî yêd nisbet ji nûnan
Radikit ew qetl û xûnan girtiyê zindan im ez
Girtî me insaf di mîr ne qazî û muftî ve bîr ne
Qeyd kirim kes bê xebîrne bendeyê hicran im ez
Ma di benda firqeta te canfidayê xidmeta te
Da bibînim rehmeta te nobedarê xanim im ez
Nobedarê qullehê xo dergevanê dergehê xo
Bîne bîr û agahê xo tûleyê asîtan im ez
Tûleyê dergahê yar im şev û rojan nobedar im
Westayê der întîzar im çavrêyê Sultan im ez
Çavrêyê sirra li pêş im meqseda ezlê feniş im
Hicreta Yûsuf dikêşim Ye'qûbê Ken'an im ez
Kor e bo Ye'qûb ji dînê j'perdeya daxa evînê
Ger dibên veke birînê hewceyê Lokman im ez
Wan digot Lokman tebib e gote min xef 'endelib e
Şafiyê derdan hebîb e pê bawer û îman im ez
Sond dixwim sa'id û destan kevir û seylêd li bestan
Min bi xom li curhan bebestan be rahet û asan im ez
'Aşiqa rahetya kêm e agir û pêt a dilê me
Çend hezar medhan dibême muhitê esman im ez
Xwezî min sed ser hebûna sed hezar dev pê ve bûna
Ew hemûl'medhên te bûna hêj bi wan niqsan im ez
Ez kiz û zer bûm ji qehrê dê devêk çibkit ji behrê
Yan du çav çibkin ji sehrê bê dîtina eynan im ez
Sed hezar çav min divêna bayekî perde hilîna
Xet û xal min têr bidîna eşqe qûtî can im ez
Her kesê eşq tê eser kit sed hezar perdan di ber kit
Hemuyan dê ker be ker kit tazî yû 'uryan im ez
Perde çû ez mame tazî dil sirra mehbûb dixazî
Min ibadet eşq û bazî bê mey û meyxan im ez
Xaniya bade û mey tê mexnî yû hem çeng û ney tê
Min ji eşqan heye-hey tê serxweş û sukran im ez
Serxoşê ava heyatê meclisa reqs û sematê
Dê çi kim bi sewn û selatê b'kûzê û fîncan im ez
Ew meyê gerden dirêjan şîşe û wan bade rêjan
Min nema hiş li nivêjan li deftera dînan im ez
"Mim" û "Hê" aqil vederda sicleya eşqê û derda
Lew qelem anî bi ser da me'fuyê Xufran im ez
